جوجل تتيح الان التجول الافتراضي داخل مركز جامع الشيخ زايد الكبير في أبو ظبي

جوجل تتيح الان التجول الافتراضي داخل مركز جامع الشيخ زايد الكبير في أبو ظبي

اضافت جوجل عبر برنامجها الشهير للخرائط ، اضافت موقع عربي جديد لتقنية التجول الافتراضي ، الذي يمكن للمستخدم عبرها زيارة بعض الاماكن المفضلة له بالتفصيل ، دون ان ينتقل حتى من مقعده امام جهاز الكومبيوتر .

الموقع الجديد هو  مركز جامع الشيخ زايد الكبير في أبو ظبي  ، وكما ورد في مدونة جوجل ارابيا ، يمكن للمستخدم الإستمتاع بمناظر كاملة على مدار 360 درجة لمركز جامع الشيخ زايد الكبير ذو القدرة على إستيعاب أكثر من 40,000 مصلي.

كما يمكن  أيضاً التمعن بروعة الأمثلة المختلفة لفن الخط العربي المدمجة مع التصميم من خط النسخ الثلث والكوفي، في أماكن متعددة داخل المسجد وفي الأروقة الخارجية وصولاً إلى قاعة الصلاة الرئيسية و بكافة تفاصيل تصميمها ، أو إلقاء نظرة على المركز من أعلى المئذنة لرؤية شاملة لروعة التصميم  ومدينة أبو ظبي ككل.

هل انت مستعد للتجول داخل المسجد الكبير ؟ ابدأ من هنا .

إشترك الآن لتربح فيزا إلى دبي || Join Now to win a Visa to Dubai

إشترك الآن لتربح فيزا إلى دبي || Join Now to win a Visa to Dubai 

www.tarekfalcon.com/dubaivisa

Why this Competition :

      ·        To write down the experience of the winner during the period he will spend in Dubai to be published on the second Part of “ Dubai Days “ Book , for more detail about the First Part of the book , click here .

 Qualification of Participants:

      ·         Any Nationality All over the World can participate in the Competition to Win a Tourist Visa to Dubai .

      ·         The winner will be requested to write or record a detailed report about the period that will spend in Dubai and the UAE from the moment of arrival until the moment of departure with some pictures in the UAE and to deliver that to the Mr.Tarek Hassan, the competition Sponsor , and Mr.Tarek has the right to publish this experiment on the page or the Blog or in the second part of his book " Dubai Days " , an agreement will be signed with the winner before applying the visa.

                                                 www.tarekfalcon.com/dubaivisa

 الهدف من المسابقة :

 ·        تسجيل تجربة الفائز بزيارة دبي منذ لحظة الوصول وحتى لحظة المغادرة لنشرها في الجزء الثاني من كتاب " هذا ما رأيت في دبي "  ، تفاصيل عن الجزء الأول من الكتاب ، إضغط هنا

 من يحق له المشاركة :

 ·        يمكن لأي شخص من أي جنسية في جميع أنحاء العالم المشاركة في المسابقة للفوز بفيزا سياحية إلى دبي .

 ·        يتعهد الفائز بكتابة او تسجيل تقرير مفصل أسبوعياً عن الفترة التي سيقضيها في دبي و الإمارات منذ لحظة الوصول وحتى لحظة المغادرة مع بعض الصور داخل الإمارات وتسليمها للمهندس / طارق حسن راعي المسابقة ، ويحق للمهندس / طارق ، نشر هذة التجربة على صفحة او مدونة " هذا ما أيت في دبي " او في الجزء الثاني من كتاب " هذا ما رأيت في دبي " وسيتم توقيع إتفاقيه بذلك قبل إستخراج الفيزا 

www.tarekfalcon.com/dubaivisa

إعرف حقك

إعرف حقك 

---------

السنادي ( اول مايو ) ، إنتهى عقد إيجار الشقة إللى انا فيها ، فرحت مكتب الإيجارات عشان أجدد ، مكتب الإيجارات مش هو المالك ، دا مجرد وسيط بيني وبين مالك الشقة وهو مواطن إماراتي ، يعني عشان لو حصل اي مشكلة فى الشقة ، بيتم التواصل مع مكتب الإيجار .

مكتب الإيجار بياخد  من المستأجر ( إللى هو زي حالاتي ) لما ييجي ياخد الشقة عمولة شهر او شهرين على حسب الإتفاق  .

المهم رحت عشان أجدد العقد فى مكتب الإيجارات فقالي إن المالك  عاوز يزوّد الإيجار 2000 درهم ولو مش عاجبك ، ممكن تسيب الشقة .

سألت المكتب عن أسعار الإيجارات دلوقتي لقيتها زادت قوي ، يعني نفس الشقة إللى انا فيها لو هتتأجر بسعر إنهاردة ، في زيادة 4 الاف درهم عن الإيجار إللى انا واخدها بيه السنة إللي فاتت .

قلت يا انهار ابيض ، ليه كدا ، يعني سنة واحدة تعدي ، الإيجارات تزيد 4 الاف درهم ، معني كدا إننا داخلين على أيام ما يعلم بيها إلا ربنا 

طبعا الأسعار مكنتش كدا زمان ، في 2008 ،  كانت أغلى بكتير يمكن 3 أضعاف الإيجار الحالي ، لكن بعد الأزمة الإقتصادية ، الدنيا نزلت قوووي ، وشكلها بدأت تطلع تاني ، لما الإيجار يزيد فى سنة واحدة 4 الاف درهم ، دا مرار طافح يابا .

المهم ، قانونياً في الإمارات ، المالك ملوش حق يزود الإيجار على المستأجر إلا بعد 3 سنوات ، 

وما دام إنت ملتزم بالدفع ، والشيكات بتاعتك مبتروحش البنك وترجع يبقى إنت في السليم ، والحمد لله انا كنت في السليم ،  يعني انا من حقي إني اخد الشقة بنفس الإيجار القديم وبالتالي مش من حق صحاب الشقة يزود عليا 2000 درهم دون وجة حق .

طبعاً هو كريم بردو ، محبش يصدمني ويزود الإيجار 4 الأف زى سعر السوق ، فقالي هزود  2000 درهم ويبقي زي المثل إللى بيقول " نقسم العرب عربين "  .

طيب أنا أعمل إيه دلوقتي ؟ اوافق ولا ارفض وأخش معاه فى متاهات ؟

- شربت واحد بيريل كبير ، وصرخت بصوت واطي " قول ، متخفشي ، المالك لازم يمشي " 

- بعدين جبت عقد إيجار جديد ( ودا بيبقى 3 نسخ ) ومليت البيانات زي العقد القديم بالضبط مع تغيير التواريخ للسنة الجديد ( ودا على برنامج العقارات إللي عندي  ، لو حد عاوز برنامج عقارات جامد جداً يقولي ) ، ورحت كاتب شيكات باأقساط الإيجارات 

( 4 شيكات ) زي السنة إللي فاتت بالضبط  مع تغيير التواريخ للسنة الجديد ، ورحت رايح على مكتب العقارات ومديهم ال 3 نسخ من عقد الإيجار و الــ 4 شيكات ، وقلتلهم : قولوا للمالك ،  المستأجر هياخد الشقة بنفس الإيجار ولو هو مش عاجبه ، يطلع على الشرطة ، إحنا جامدين قوي ومبنخفش .

وأخدت منهم إيصال بإستلام الشيكات ، وقلتلهم لما ياخد الشيكات يمضي على نسختي من العقد وتتصلوا بيا عشان أجي استلمها .

طبعاً انا عارف اول ما اطلع من المكتب هيتصلوا على المالك ،

رحت على الشقة ، وقفلت الباب بالمفتاح ، وقلت أستني إتصال من المالك او مكتب الإيجارات ، وقعدت اتخيل نفسي بقى زي عادل إمام فى فيلم " السفارة في العمارة " لما كانوا عاوزين يطلعوه من الشقة ، وفضلوا يقدموله إغراءات وخصوصاً لما رفع عليهم قضية ، 

لما النور قطع عليه وهو في الاصانصير وكانت راكبه معاه واحدة كدا أستغفر الله العظيم ، وبعدين حصل حاجات كدا استغفر الله العظيم ، وبعدين لقي نفسه متصور كدا وراح زي الـــ...... تنازل عن قضية السفارة في العمارة ، وأنا صرخت مفزوووع وقلت لاااااااااااااااا 

ولقيت نفسي واقع من على السرير ، تهيؤات ... تهيؤات ، الحمد لله ، الحمد لله ، مش راكب الاصانصير تاني  ومش هتنازل عن شقتي ، بس أكيد يعني مالك الشقة مش هيعمل كدا يعني ، أكيد مش هيركب كاميرات في شقتي لان المفتاح معايا انا بس :D ، بطل هبل يا طارق .

المهم تاني يوم الصبح ، لقيت مالك الشقة بيتصل بيا 

أنا : سلام عليكم

المالك : عليكم السلام ، كيف الحال

أنا : الحمد لله تمام 

المالك :أخوي ،  أنت واخد مني الشقة السنة اللي فاتت والحين الإيجارات كلها زادات ، والمكتب قالك اننا هنزود الإيجار ، إنت ليش تحط شيكات مثل السنة إللي فاتت .

أنا : أنا من حقي أخد الشقة بنفس الإيجار لمدة 3 سنوات 

المالك : كيف 3 سنوات ؟ انا ما اعطيتك الشقة 3 سنوات ، انا وقعت معاك عقد سنة واحد فقط .

أنا : ايوة بيتكتب فى عقد الإيجار سنة واحدة وبيتجدد كل سنة على نفس الشروط والدفعات لمدة 3 سنوات وبعد كده ليك الحق تزوده 20 % فقط وانا لو قبلت مش من حقك تطلعني .

المالك :  ليش مش من حقي اطلعك ، يا أخي خلاص انا مو بأجر شقتي ، انا ابغى الشقة لروحي وابغاها لأسكّن عيالي فيها وما بأجرها تاني ، 

أنا : ما دام حضرتك قبلت تأجرها ، يبقى أنا من حقي أسكن فيها 3 سنين بنفس القيمة ، وأنا مش كل سنة هدور على شقة وأنقل حاجتي . وحضرتك لو مش مصدقني ممكن تروح البلدية او قسم الشرطة وتسألهم هيقلولك نفس الكلام ، انا مش بقول كلام من عندي ، 

انا الساكن إللى جنبي ،حصل معاة نفس الموقف والمالك قاله مش هأجر وعاوز الشقة ، راح على البلدية وساب هناك نسخة من العقد والشيكات وهما اتصلوا على المالك وقالوله تعالى خد شيكاتك .

المالك : زين ...

أنا : المالك ملوش حق يطلع المستأجر قبل 3 سنوات ، وبردو حضرتك ممكن تروح البلدية وتسأل ولو قالولك ليك الحق تطلعني هطلع من الصبح .

المالك : كيف يعني ، انا ما أجرتك الشقة 3 سنوات ولا سنتين حتى ، العقد مكتوب فيه سنة واحدة ، بدي الشقة ياخي ، بدي أسكّن عيالي فيها ، وين اوديهم ، اتركهم في الشارع ؟ ، الشقة ملكي انا ، حقي انا ، ما حد يلزمني بشيء .

أنا : حضرتك انت بتتكلم صح وكل حاجة ، بس من وجهة نظرك ، لكن ما دام ارتضيت تأجرلي الشقة، يبقى انا من حقي كمان اني مطلعش منها قبل 3 سنوات وبنفس الإيجار ، ولو مش عاجبك كلامي ، روح اسأل البلدية او في الشرطة و قلهم عاوز ازود الإيجار و خليهم ييجوا يطلعوني 

المالك : خلاص انا بشوف ، سلام 

أنا : اوك ، سلام 

وقفلت مع المالك ورحت رامي الموبيل على المكتب ( بشويش ) وقلت هااااااأو ، قالي يزود عليا الإيجار قال ، نحن قوم لا نستسلم ، ننتصر او نموت ( بعد الشر عليا طبعا )  .

هااااااأو  كمان مرة ،  لا عاش ولا كان إللي يضحك عليا او يستغفلني ( غير المدير بتاعي فى الشغل :D )  .

تاني يوم الصبح ، إتصلت على مكتب الإيجارات اسألهم عن الجديد ، قالوا المالك مجاش ولا اتصل

قلت الراجل شكله هيبعتني ولا هيعمل إيه ، أكيد بيدبرلي ميبة ،  مبدهاش بقي ، ننقل على الخطة طــ  ( الصراحة مش  عارف إيه طــ  ، بس أكيد اول خرف من أسمي )

رحت مطلّع الموبيل وباعتله رسالة ( نفس الرسالة إللى في الصورة )

" سلام عليكم 

ياريت ترد علينا انهاردة لو مش هتستلم الشيكات وتمضي عقد ايجار الشقة 1603 

عشان اروح اوديهم البلدية لاني مسافر الاسبوع الجاي "

طبعا كتبت رقم الشقة فى الرسالة عشان مضمنش هو ممكن يعمل إيه ، ممكن يماطل ، او يقول مستلمتش حاجة ومكتب الإيجارات مبعتليش حاجة ، ومأخدتش شيكات .

وطبعا مكتب الإيجارات ممكن يبعني لو إداهم 100 درهم ، او من غير فلوس كمان  ، فقلت استعمل الرسالة كمستند رسمي وربنا معانا بقى .

نفس اليوم العصر ، لقيت مكتب الإيجارات بيكلمني ، بيقولي المالك هنا وعاوز يكلمك ، قلت اوك اعطيني إياه 

المالك :  سلام عليكم

أنا : عليكم السلام

المالك :  أخوي ، ها الشيكات إنت كتبها بتاريخ 10 في الشهر ، وإنت واخد الشقة من تاريخ واحد فى الشهر ، يعني المفروض الشيكات تكون بتاريخ واحد في الشهر 

أنا : طيب حضرتك إحنا مش متفقين من السنة إللي فاتت إن الشيكات تكون بتاريخ 10 في الشهر ، عشان اوقات المرتب بتاعي بيتأخر ، وعشان ابقى ضامن إن في فلوس فى حسابي فى البنك 

المالك :  هادا مو ذنبي ، انا ما باخد الشيكات بتاريخ 10 في الشهر ، على الأقل تكون بتاريخ 5 في الشهر 

أنا :  حضرتك مفيش فرق كبير بين 5 او 10 في الشهر ، إنت عمرك ما رحت تصرف شيك ليا ورجع ، عشان انا بظبطهولك على 10 في الشهر 

المالك :  ما بعرف ، بدي الشيكات تكون بتاريخ واحد في الشهر او 5 في الشهر بالكتير 

( قلت فى نفسي : متكسرش بخاطر الراجل ،دا غليان ،  يعني مش كفايا إنك مقبلتش تزود الإيجارات ، مش هتيجي على 4 شيكات تانين بتاريخ 5 في الشهر ، ويبقى إسم الراجل صمم على حاجة ونفذها  ) 

أنا :  اوك يا حج ، إللي تحيه هعملهولك ، بس انا معييش شيكات حالياً ، هروح البنك اجيب دفتر شيكات مخصوص عشان اكتبلك الشيكات الجديد .

المالك :  أمتي ؟

أنا :  على اول الأسبوع إن شاء الله بتكون الشيكات في المكتب 

المالك : اوك 

ورحت غيرت الشيكات وسبتهم في المكتب ، وسألتهم وقع العقد ولا لسه ، قالولي لسه ، قلت خلاص ، متدهوش الشيكات إلا لما يوقع العقد ، قالوا أكيد 

وتاني يوم أتصلوا بيا وقالولي مبروك ، تعالى خد العقد 

قلت : اخيرااااا ، الحمد لله 

وانا بستلم العقد من المكتب ، بيقولولي هات 500 درهم عمولة للمكتب ، قلتلهم 500 في عينكم ، على إيه ، هي السنة الأولى وبس ، غير كدا ، ملكوش حاجة عندي ، يلا يا ولاد الـــ ..... .

في الإمارات : ما دام إنت ماشي فى السليم وعارف حقوقك كويس ، هتقدر تاخدها ومحدش يقدر يكلمك ، لكن لو متعرفش ، او  خفت ، او استسلمت ، يبقى هتروح في الرجلين ، والواحد مبيتعلمش ببلاش ، لازم تعرف حقك ومضيعهوش ، وزي ما قالوا زمان " لا يضيع حق وراءه مطالب " .

إنهاردة وحتى كتابة هذة السطور ، الإيجارات زادت تاني ، بقى الفرق بين الإيجار بتاعي وإيجار السوق 7 الاف درهم ، لنفس الشقة ،

 يعني بتهيألي لو جيت أجدد السنة الجاية ، ممكن المالك فعلا يعمل معايا زي إللى حصل مع عادل إمام فى فيلم " السفارة في العمارة " والنور يقطع فى الصانصير ،

 بس متخفوش  ، لن أضعف ، لن استسلم ، هتأكد الأول إن الشقة مفيهاش كاميرات مراقبة :D .

معلومة : المالك يقدر يطلّع المستأجر من الشقة لو راح البلدية وقدم طلب إنه عاوز الشقة قبل نهاية عقد الإيجار بشهرين ، لو لو المستأجر تأخر فى دفع الإيجار او شيكاته رجعت من البنك بدون رصيد ، غير كدا ، المستأجر فى السليم ومحدش يقدر يطلعه   .

بقلم : طارق حسن

www.facebook.com/tarekfalcon

تابعونا على الفيس بوك صفحة هذا ما رأيت فى دبى

www.facebook.com/DubaiDays

تجربتى مع شهادة مدير المشاريع المحترف PMP

تعد شهادة "مدير المشاريع المحترف (PMP)"  من الشهادات المتعارف عليها دوليا في أنحاء العالم وأكثرها أهمية لدى مسئولي المشاريع حاليا، وتحظى هذه الشهادة كذلك باهتمام المكاتب الاستشارية والمقاولين ومدراء المشاريع الذين تتضمن مهام عملهم الإشراف وتنفيذ المشروعات ومتابعتها ومراقبة المتطلبات الفنية والمالية في كل من القطاعين الخاص والحكومي.

أهمية شهادة PMP:

- أكثر الشهادات شهرةً واحتراماً عالمياً في هذا مجالإدارة المشاريع .

- صنفت كرابع أكثر شهادة طلباً حول العالم في عام 2006.

- أصبحت مطلب أساسي للكثير من الوظائف الخاصة والحكومية وخاصة فى منطقة الخليج .

الغرض من الدورة 

- تغطية معرفية شاملة لكل مواضيع إدارة المشاريع.

- التعرف على الطرق المختلفة لاختيار المشاريع.

- التعرف على كيفية تأسيس المشاريع.

- الممارسة العملية للتخطيط الزمني والمالي.

- التعرف على كيفية تحديد الأعمال الخاصة بالمشروع وتكوين فرق العمل.

- الممارسة العملية لمراقبة المشروع وضبطه.

- التعرف على أنواع العقود وآليات التعاقدات والإشراف عليها والاستلام.

- دراسة عميقة للدليل المعرفي لإدارة المشروعات 2004.

- تغطية كل مواضيع امتحان (PMP) التي تمكن الدارس من تجاوز الامتحان. 

بعد التعريف البسيط بالشهادة ، نقدر نبدأ تجربتى مع الشهادة دى ( وإللى مش عاوز يقرأ التجربة ، ممكن يروح للملخص فى الأخر ) :-

الواحد دائما لازم يحاول يُحدث نفسه على قدر المستطاع زى الانتى فيرس كدا ، لازم تعمله أبديت وإلا هيصبح نظام أمنى ضعيف ويمكن اى فيرس يخترقه .

ومع متابعتى لكثير من شروط الوظائف كمدير مشروع ، كنت دايما بلاقى شرط الحصول على شهادة PMP

فقلت خلاص لازم اخدها ، وبدأت ابحث عن مراكز التدريب فى الإمارات ، واتصل هنا وهنا واشوف الاسعار والأماكن وكل حاجة وكانت الاسعار تتراوح بين 5000 و 4000 و 3000 وانا قلبى الصغير لا يحتمل .

المهم توصلت لإتنين من مراكز التدريب ، واحد فى دبى ، والتاني له فرع فى دبى وفرع فى الشارقة ،

بدأت اتفاوض معاهم على السعر ، دا يقولى سعر ودا يقولى سعر ، بدأنا التفاوض من 3500 درهم ، ولعبت معاهم البيضة والحجر ، 

 يعنى اتصل ع الاول واقوله إنى بفكر أحجز مع مركز كذا ( وأقوله على إسم المركز ) اصل سعره اقل من سعرك بس هو هيبدأ بعدك بأسبوعين، وانا مش مستعجل على الكورس فممكن أستناه ، لكن لو نزلتى السعر ممكن أفكر  ، 

طبعا كونه عرف الأسم يبقى تأكد انى تواصلت معاهم فعلا ، فبيحاول ينزل السعر ، ولأن موعد بدأ الكورس كان قرب فعاوز يضمن إشتراكى ،

المهم في الاخر أخدت الكورس على 2000 درهم ، وكنت الوحيد فى الكلاس ( المجموعة ) إللى واخد الكورس بالسعر دا ، الكل كان بين الـــ  3000 و الـــ  2500 والعبد لله ( أنا ) الوحيد إللى  واخد بــــ 2000 درهم .

وبدأنا الكورس ، وكان كل يوم جمعة 7 ساعات من  الساعة 2 الضهر  لحد 9 مساءاً يتخللهم 2 بريك ( فترتين راحة ) لمدة 15 دقيقة لكل بريك ، إللى عاوز يشرب شاى / نسكافية او يصلى .

أحسن شىء حبيته فى المركز هو غرفة الشاى والنسكافية والبسكويت ، كنت بنتقم من البسكويت دا ، ولما البريك يخلص ، كنت أحط شوية فى منديل واخدهم معايا اتسلى فيهم جوا لما الواحد بيفصل من الشرح .

مدة الكورس كانت 5 أسابيع ( الكورس 35 ساعة ) ، لكن إحنا اخدناهم 6 أسابيع ودا كان حالة طارئة 

اول يوم جابولنا مدرب ( إللى هيشرح الكورس  ) كان شرحه جميل جدا ، راجل خبرة كبيرة، مهندس مدنى وكنا مبسوطين جدا من شرحه ، كان باكستانى تقريباً 

  الأسبوع التانى ، لقينا مدرب تانى ، شباب ، وكل شوية يقرأ من مذكرة، حسينا إنه بيسمّع ، حافظ مش فاهم ، 

كنا فى الكلاس 4 عرب ( انا ( مهندس برمجيات ) و 2 مصريين وواحد إماراتى ودول كانوا مهندسين مدنيين ) والباقى هنود وباكستانيين ، المهم الأتنين المصريين والإماراتى مشيو من نص الشرح وواحد منهم إتصل بيا وقالى إننا مشينا عشان مش فاهمين حاجة والمفروض نطالب بتغيير المدرب دا ، قلتلهم ماشى ، بس انا مش همشى ، هفضل لآخر اليوم ومعاكوا فى الموضوع ، ابعت إنت إيميل وسبلى الباقى .

وبالفعل بالليل بعت إيميل لإدارة المركز يطالب بتغيير المدرب وبعت نسخة من الإيميل لكل الطلبة إللى معانا فى الكورس .

وكنا عرفنا الإيميلات من اول يوم ، المدرب الأولانى طلب إن كل واحد يكتب إسمه وإيميله فى ورقة وواحد ياخدهم ويبعت إيميل للكل عشان يبقى زى جروب نتبادل الأفكار او الإستفسارات .

اول ما وصلنى الإيميل عن تغيير المدرب ، رديت عليه وكان رد قاسى شوية ، عملت حرب فى الموضوع ومع إن المدرب الجديد كان من مجالى ، تقنية المعلومات ، لكن موقف تغييره بدون الرجوع لينا كان وحش وغير إنه مش خبرة قوى .

دا كان نص الإيميل إللى بعته || http://bitly.com/130UivV

وبدأت الناس تتشجع و ترد على الإيميل بالتأكيد على تغيير المدرب ، لكن إيميلى عمل رد فعل عند إدارة المركز وتانى يوم المدير العام بتاعهم إتصل بيا وإللى إنتوا عاوزينه وهنغيره ،  بس بلاش الإيميلات القاسية دى وإحنا أهم حاجة عندنا إن المتدرب يكون مبسوط .  

- ماشى بس اهم شىء إحنا عاوزين المدرب الإولانى ، 

- إحنا بنحاول معاه لأن حصله ظروف ( عرفنا بعد كدا إنه سافر أمريكا ) ولو مجاش هنجبلكم واحد تانى كويس 

- لأ مش عاوزين حد تانى ، مش هنقضيها تجارب فى المدرب، عاوزين الأولانى 

الجمعة إللى بعدها لقينا مدرب جديد غير اللى طلبنا إنه يرجع ، كان هندى ، اول ماش شفته قلت يادى النيلة ، يعنى أطلع ازعق واقول هاتولى راااجل ، قصدى هاتولى المدير ، قلت أصبر لما نشوف هيبقى نظامه إيه ، شكله كبير وأكيد خبرة

وفعلا ، الراجل كان موسوعة بمعنى الكلمة ، تكلم عن نفسه شوية ، طلع من اوائل الناس إللى اخدت شهادتة ال PMP ، وكان شغال فى شركة HP  وتدرج فيها لحد ما أصبح مدير عام لبعض المشاريع فى الشرق الأوسط ، ومش كدا وبس ، لأ دا كما كان تم إنتدابه من HP فرع مصر عشان يدى كورس إدارة مشاريع للوزراء في حكومة نظيف ،  يا ولاد ال .... ، يعنى خلاص مصر مفيهاش واحد كفء يديكوا كورس إدارة مشاريع ، رايحين تيجيبوا واحد من HP ، وزارة زى القرع بتمد لبرة ، دا أكيد اخدوا فلوس بالهبل على الموضوع دا ، طب كنتوا أستنوا ملا أخلص الكورس وأجى اديكوا انا :D .

سألته : طيب إنت كنت شغال فى HP ، ليه سبتها ؟

قال إنه فى سنة 1997 كان حصل تفجير فى فندق فى السعودية ،  ، وكان هو الوحيد الناجى من الناس إللى كانت موجودة فى الفندق، إستخبى تحت السرير ههههه ، وكل الجرايد كتبت عنه فى الوقت دا بأعتباره الناجى الوحيد .

ومن وقتها وهو مبيحبش يروح السعودية إلا تخاطيف ، وفى الفترة الأخيرة الشركة اخدت مشاريع كبيرة فى السعودية وطلبوا منه ينتقل إقامة دائمة هناك فرفض وقال أنا عاوز افضل فى دبى وطبعا شركة زى HP مينفعش حد مهما كان يفرض رأيه عليهم فتفاوضوا معه يا إما يروح السعودية يا ياخد مبلغ كويس كنهاية خدمة ومفيش حل تانى ، فوافق على نهاية الخدمة وبدأ يدى كورسات كمدير مشروع فى مراكز مختلفة .

بصراحة انا مكنتش عاوزه يشرح الكورس على قد ما كنت عاوزه يتكلم عن خبراته وحياته العملية .

لما بدأ شرح ، كان حاجة جامدة جدا ، أحسن من الأولانى إللى كنا عاوزينه يرجع ، وكان كل نقطة يشرح بمثال من المشاريع إللى اشتغل فيها .

ومع البريك الأولى ، لاقيت مدير المركز بيتصل بيا يطمّن إيه الأخبار ومبسوطين ولا إيه ، قلتله دا الراجل دا جامد ، وشكرته على إهتمامه .

وبعد 6 أسابيع إنتهى الكورس على خير والحمد لله ، بدأنا 23 ديسمبر 2011 وإنتهينا 27 يناير 2012 .

دى شهادة الدورة || http://bitly.com/PMPCourse

قلت لنفسى ـ  إن شاء الله  فى خلال شهرين بالكتير هذاكر وادخل الإمتحان الدولى عشان ابقى سرتفيد بقى ، لكن الإنشغال والكسل والتسويف ، أجلوا المذاكرة من أسبوع لشهر لسنة ،

هو مكنش كسل قوى ، انا كنت كل فترة أبدا بهمة ونشاط وبعدين الهمة تقل وتقل وتقل لحد ما تتعدم ، يعنى الفصل الأول من الكتاب يمكن ذاكرته ييجى 5 مرات ، رجعت أعيش ايام الدراسة تانى ، أيام ما كنت طالب ، بس مكنتش كسيل كدا ، بس ممكن عشان الشغل ، لان الواحد بعد الشغل بيرجع تعبان والتركيز بيبقى قليل جداً .

كنت اول ما ابدأ اذاكر ، الاقى النوم بيجيلى من كل مكان ، ويبقى شكلى كدا || http://on.fb.me/130V2Bf

ومرت الأيام لحد ما لاقيت نفسى مضغوط ، إنى لازم أدخل الإمتحان قبل 31 يوليو 2013 لان الإصدار الجديد من الإمتحان ( 5 ) هينزل ، وانا اخدت الكورس على الإصدار رقم ( 4) .

وعشان أضغط نفسى واحطها قدام الأمر الواقع ، إشتركت فى عضوية الموقع  www.pmi.org  بتاريخ 21/03/2013 ودفعت فلوس الإمتحان ، يعنى خلاص لازم تدخل الإمتحان  يا هتضيع عليك الفلوس 

وكانت كالأتى : 

139 دولار  = 525 درهم إشتراك عضوية لمدة سنة على الموقع 

405 دولار  = 1530 درهم رسوم الإمتحان 

مكنش فاضل إلا إنى أحدد يوم الإمتحان ، فقلت ابدأ المذاكرة بقى وبعدين أبقى احدد اليوم بعدين ، لكن كان لسه فى كسل ، كان لازم اضغط نفسى تانى ، عدى أكتر من شهر ونص من وقت ما حجزت ولسه ما خلصتش ، أعمل إيه ؟

قلت أضغط نفسى تانى واحدد يوم الإمتحان عشان ميبقاش قدامى اى حجة للتأجل ن وبالفعل حددت الإمتحان يوم الثلاثاء  14/05/2013 ، قبل عيد ميلادى بيومين 16/05 ، قلت يعنى الواحد يحتفل بنجاحه وبعيد ميلاده ، 

الحجز بيكون من موقع www.prometric.com  ، لما بتدفع الفلوس على موقع pmi.com بيديك كود زى دا

 PMI Eligibility ID: 2682377E2

بتدخل على موقع  prometric.com وعن طريق الكود دا بتقدر تحدد المكان والزمان إللى انت عاوز تمتحن فيه فى اى دولة  ( هعمل فيديو إن شاء الله بالخطوات كاملة ) 

وبعد ما حجزت يوم الإمتحان ، بدأت اضغط نفسى وأضغط نفسى واذاكر واذكر والأيام بتجرى وتجرى والإمتحان قرب ولسه مخلصتش ، يا انهار ابيض ، يا انهار ابيض .

أخدت اجازة من الشغل من يوم السبت 11 مايو وبدأت اذاكر أكتر واراجع ، لكن كان فى حاجة نقصانى ، مكنتش بحل اسئلة كتير ودا كان شىء لازم جدا عشان تتعود على نظام الأسئلة والوقت 

الإمتحان النهائى بيكون 200 سؤال فى 4 ساعات يعنى السؤال دقيقة و 20 ثانية ، لو سؤال أخد اكتر من دقيقة و 20 ثانية يبقى اعرف ان فى سؤال مش هتحله ، فكان لازم أدرب كويس على نظام الأسئلة وأحل امتحانات كتير 

لكن الوقت مكنش فى صالحى ، يا دوبك خلصت الكتاب حوالى 500 صفحة وراجعته وكمان المراجعه مكنتش كامله ، فكرت فى تأجيل الإمتحان بس المووضع مكنش سهل ، لازم التأجيل يكون قبل يوم الإمتحان بيومين وبتدفع رسوم 70 دولار ، لو اقل من 48 ساعة بتروح عليك الفلوس إلا فى حالات طارئة زى حادثة او شىء من هذا القبيل ، ربنا يحفظنا .

سلمت امرى لله وقلت خلاص روح وربك يسهل ولن يصيبنا إلا ما كتب الله لنا .

ليلة الإمتحان نمت كويس عشان لازم اروح مركز ، دول 4 ساعات مينفعش تاخد فيهم ثانية سهو ، ولا حتى فيمتو ثانية ، الوقت كالسيف ان لم تقطعه شمبرك قصدى قطعك .

يااااه ، الواحد رجع تانى لآيام الإمتحانات والكلية والثانوية ، اتذكر مرة وانا فى تانية كلية ، كانت مادة الإقتصاد او مبادىء الإقتصاد ، فضلت اذاكر وأحل اسئلة يومين ورا بعض مطبق ( يعنى مفيس نوم ) ورحت الإمتحان مكنتش نمت حاجة ،

وأول ما مسكت ورقة الاسئلة ، لقيت على الأسئلة كلها ، ولقيت نفسى عرفهم كلهم ، وبدأت احل وأكتب فى كراسة الإجابة ، ولقيت نفسى نمت ، نوم كامل ، كان ناقص بس المراقب يجبلى مخدة ، وكنت افوق بعدها ب 10 دقايق ، كنت هجنن ، وهعيط ، مش عارف أسيطر على نفسى ، فى وسط ما أنا بكتب في الحل ، الاقى نفسى نمت ، والحمد لله ربنا سترها وجبت فى المادة دى إمتياز .

نرجع لموضوعنا ، صحيت يوم الإمتحان بدرى فطرت ولبست واتحركت ، ولا، الواحد اعصابه سايبه ، وعاوز يستغل كل دقيقة يراجع ، مقدرتش اروح بالعربية وكمان عشان ميكونش فيه إحتمالية للتوهان ويضيع عليك الإمتحان .

أخدت تاكسى وبعديه باص وبعديه المترو وبعديه تاكسى تانى لحد ما وصلت مكان الإمتحان فى Dubai Knowledge Village وطول الطريق عمال اراجع والحاجات كأنى بشوفها اول مرة ، استرها علينا يارب .

وصلت قبل الموعد بساعتين ، كان الميعاد بتاعى 12  لــ 4  ، دخلت اديتهم البطاقة بتاعتى عشان أثبت حضورى ، 

الست إللى هناك قالتلى تحب تمتحن بدرى ، لو عاوز تدخل دلوقتى ، فى أماكن فاضية ، قلتلها لأ هدخل فى ميعادى ، قالتلى اوك مكن تروح وتيجى قبل الموعد بنص ساعة ، يعنى على 11 ونص كدا .

رحت قاعدت فى الإستراحة ، اراجع ، لكن مكنتش عارف اركز ، حاجات عماله تعدى قدامى رايح جاى ، سحالى أجنبية وعربية ، صواريخ أرض جو ، والجو حر ، والناس مش طايقة هدومها إللى مش موجودة أصلاً  واستغفر الله العظيم ، ركزّ يا طارق مش وقته ، انت داخل على منعطف تاريخى .

مر الوقت سريعاً واقتربت ساعة الصفر ، دخلت الحمام ، قلت عشان قدامك 4 ساعات مش هتعرف تتحرك ، وبعدها دخلت المركز ، وقعدت شوية ، وجت ست وإدتنى ورقة فيها إرشادات الإمتحان ، متحاولش تغش او تعمل صوت ، المكان كله محاصر وآى حركة هنضرب فى الكليان ، قصدى المكان مراقب بالكاميرات ، تصطحب معك اى حيوانات كالقطط والكلاب ، طيب لحظة اطلع التنين بتاعى برة عشان معملش صوت ، إنتوا عالم فاضية ، والواحد مفهوش  أعصاب إن اقرأ حاجة اساساً ، وبعدين هغش إزاى ، يعنى مثلا مثلا لو معايا الكتاب وفى سؤال معرفتش هروح الف فى 500 ورقة ادور على الحل ، ووقت السؤال دقيقة و 20 ثانية ، يا راجل كبر مخك .

بعد شوية جت أخدت منى وقرة الإرشادات وادتنى مفتاح لدرج وقالتلى حط ل اللى معاك فى الدرج دا واقفل الموبيل واستعد هنادى عليك بعد دقائق .

حطيت كل حاجة معايا فى الدرج ، ورق ، موبيل ، محفظة ، صرة من الدنانير وقفلت الدرج ودخلت من باب غرفة التفتيش قبل غرفة الإمتحان .

واحدة ست تانية واقفة وماسكة معاها جهاز عامل زى الصاعق الكهربائى كدا ، إيه سا ست ، هتموتيتى ولا يه ؟؟

دخلت عليها ، قالتلى ارفع ايدك فوق ، قلتلها لأ ، اسمها ارفع راسك فوق ، إنت مصرى :D

رفعت ايدى ومشت عليا الجهاز ، جهاز زى بتوع المطار كدا ، على اساس انى ههرب مخدرات للى بيمتحنوا جوه 

طلع جيوبك برة ، حاضر

الجيوب اللى ورا كمان ، حاضر

ارفع البنطلون ، إيييه ؟ في إيه يا ست ؟

عاوزه تشوف مخبى حاجة فى الشراب ولا الجزمة ، ماشى يا ستى ، شوفى .

دا كله والواحد اعصابه باظت ، عارفين إحساس الست اللى رايحه تولد ومن كتر القلق والتعب بتترجى الدكتور يديها حقنة ولا حاجة عشان تولد بسرعة ؟ اهو نفس الإحساس دا :D

دخلت الإمتحان ، بيدوك كراسة فيها ييجى 6 وراقات كدا وقلمين رصاص ، عشان لو عاوز تكتب ملاحظات او عملية حسابية او اى حاجة 

اول ما بتدخل ويشغلولك الجهاز بتاخد 15 دقيقة للتعريف بالإمحتان ،  بيشرحلك كيفية التعامل مع الإمتحان والزراير المختلفة وكيفية إستخدام الآلة الحاسبة ، 

المفروض إن الواحد يكون عارف الحاجات دى كلها ويستغل ال 15 دقيقة فى كتابة اهم جدول فى الكتاب وإللى المفروض تكون حافظة (جدول عمليات ادارة المشروع )  لان الإمتحان كله بيعتمد عليه بالإضافة إلى ما تتذكره من قوانين أخرى .

وبدأ الإمتحان والوقت بيجرى ، اسئلها أحلها واسئلة تاخد وقت فى التفكير وعدت ال 4 ساعات زة الصاروخ  وظهرتلى شاشة إنتهى الوقت ولم أتمكن من حل جميع الإسئلة وبدأ الكمبيوتر فى تحليل النتيجة ، وقلبى بيدق بطريقة فظيعة وكأنه هيتخلع ، يارب ، يارب ، ودا عمال يحسب فى النتيجة ،خلص ياعم ، قلبى هيقف ، يارب سلم سلم ، وظهرت النتيجة

Failed

صدمة وعدم القدرة على الحركة ، إزبهلال ، ثم الحمد لله على كل حال 

إحساس لا يوصف ، فاشل ، لا حول ولا قوة إلا بالله ، 

الواحد عمره ما سقط فى إمتحان ، إلا فى الإمارات ، المرة الأولى لما أخدت " راسب " فى إختبار السواقة ، ودى المرة التانية 

خرجت من المركز  لا آى أمامى ، والحزن يعتصرنى ، واخدت ورقة مكتوب فيها فاشل، وعدت من حيث أتيت بخفى حنين .

لا يمكن ان يشعر أحد بهذا الإحساس ، انا فقط ، لكن الحمد لله على كل شىء ، قدر الله وما شاء فعل .

رجعت للبيت ، نمت ، مليش نفس لأى شىء ، ولا برد على تليفون ولا اى شىء

وإتصالات من كل حتة ، من مصر ومن صحابى ومن الشغل ، الكل عارف إنى بمتحن ، إيه الذل دا 

صعب جدا تقول لوالدك ووالدتك ، منجحتش ، عمرها ما حصلت اساساً ، 

والفيس بوك ، رسايل كتير ، ها يابنى عملت ايه طمنى ؟

إيه الاخبار يا باشمهندس ؟

يادى النيلة ، يادى الفضايح ، عدى الايام دى على خير يارب .

قلت لنفسى "متيأسش ، إن الفشل هو بداية النجاح " وإنت غلطت ، مذاكرتش وحليت إمتحانات كويس ، تخطيطك كان غلط ، حجزت للإمتحان عشان تضغط نفسك ومحسبتش الوقت كويس .

ةوكنت وكنت دائما اقول " الفشل جند من جنود النجاح " ، ودا مش نهاية المشوار 

اخدت أسبوع راحة كدا من المذاكرة ورجعت تانى أخطط كويس وبدأت اذاكر من تانى ولأنى بعد الشغل بيكون الواحد تعبان وصعب يذاكر ، فكنت بصلى العشاء وأنام واصحى الفجر اصلى وأذاكر لحد ما اروح على الشغل وفضلت على كدا اسبوعين لحد ما خلصت مذاكرة الكتاب ، وقلت أحجز على الاسبوع الجاى وابدأ احل إمتحانات ، الكلام دا كان يوم 19/06/2013 ، قلت أحجز على 27/06/2013 دفعت الفلوس ، وكانت 275 دولار رسوم إعادة الإمتحان ورحت عشان أحجز ليوم 27 ، ملقتش يوم فاضى إلا يوم السبت 23 ، واليوم إللى بعده 09/07/2013 ، يا انهار ابيض ، 09/07 إيه ، انا كدا هكون نسيت إللى ذاكرته ، فضلت اعمل ريفرش يمكن اى حد يكنسل وأحجز مكانه ، وبالفعل كان فى مواعيد بتظهر ، بس الوقت كان 7ونص الصبح والوقت دا مش مناسب خالص .

فضلت 24 ساعة ادخل على موقع الحجز واعمل ريفرش إن حاجة تظهر لكن بدون جدوى ، توكلت على الله وحجزت على يوم 09/07/2013 وبدأت احل إمتحانات وأعمل مراجعة ومقلتش لحد إنى همتحن ، مش ناقصة إحراج تانى ، لما انجح إن شاء الله ابقى اقولهم 

.

أخدت اجازة تانى من الشغل من يوم الاربعاء 03/07 لحد يوم الثلاثاء يوم الإمتحان 09/07  ، ورحت الإمتحان وإتفتشت تانى ، ودخلت الإمتحان وكنت مستبشر خير .

وكان فى فرق كبير فعلا ، الواحد كان بيحل الاسئلة زى الصاروخ ( الله اكبر .. الله اكبر ) وخلصت الأسئلة كلها قبل ما الوقت يخلص وراجعت كمان على الأسئلة إللى كنت معلم عليها .

وبعد ما الوقت خلص ، وبردو كنت مستبشر خير والكمبيوتر بيحلل النتيجة ، وفضلت اقول يارب ، يارب ، يارب ، وهووووووووووووووووووووووب

Congratulation, you pass the Exam

الله اكبر ،الله اكبر ، لقد هرمنا من أجل هذة اللحظة ، حد يشغلنا " الناجح يرفع إيده " ، " وحياة قلبى وافراحه " 

ودى الشهادة 

http://bitly.com/TarekPMP

طولت عليكو انا عارف ، خلينا نختصر الموضوع بالنقاط المفيدة 

1- مينفعش تدخل الإمتحان بدون أخذ دورة من مدرب معتمد مدتها ( 35 ساعة ) ، دا شىء إجبارى 

2- وإنت بتاخد الكورس ، لازم تذاكر بالتزامن ، يعنى متخلصش الكورس وبعدين تبدأ تذاكر ، هتتأخر وهتأجل وفى حاجات كتير هتضيع منك وتاخد منك وقت .

3- بعد كل شابتر تذاكره ( فصل ) حل على الأقل 20 سؤال عليه .

الكتب إللى تذاكر منها وإللى انا ذاكرت منها 

1-  كتاب  PMBOK ودا هتاخده فى الكورس 

2- كتاب ريتا    Rita PMP Exam Prep

3 - إمتحانات PMP Fast Track

ودا رابط ممكن تحمل منه الكتب دى + برنامج الإمتحانات 
http://bitly.com/TarekPMPFiles

ودا شرح كامل للكورس بالعربى ( 35 ساعة ) فيديو  للى حابب يتفرج عليه او يرجعله وهو بيذاكر لو فى حاجة مش فاهمها 

http://bitly.com/PMPVideos

تكلفة الشهادة كاملة 

1- الكورس ( من 2000 درهم ل 3500 درهم ) حسب المكان إللى هتاخد فيه 

إللى موجود فى الإمارات وعاوز ياخد فى نفس المركز إللى اخدت فيه يبعتلى رسالة عشان محدش يقول بتعمل دعايا :) 

2- تكلفة حجز الإمتحان 

إشتراك عضوية لمدة سنة على الموقع  139 دولار  = 525 درهم 

رسوم الإمتحان  405 دولار  = 1530 درهم 

ولو لا قدر الله منجحتش وهتعيد الإمتحان ، بتكون تكلفة الإمتحان  275 دولار  = 1,015  درهم 

يعنى شاكب راكب كدا زى ما بيقولوا ، فى حدود 5 الاف درهم ، دا غير ايام الغياب والخصم من المرتب ، بس إن شاء الله يكون ليها فائدة فى المستقبل .

دى فيديوهات عملتها كملخص لكيفية التسجيل فى الموقع والحجز للإمتحان  وكيفية المذاكرة ونصائح للإمتحان ، وبالتوفيق للجميع إن شاء الله 

 1 - كيفية التسجيل فى الموقع والحجز للإمتحان 

How to Register for PMP Exam 

 www.youtube.com/watch?v=7tRBqf43hd4

ملف إكسل هيفيدك فى التسجيل للإمتحان

http://www.mediafire.com/?a3l2a3guil0qkum

2- كيفية المذاكرة / الإستعداد للإمتحان 

How to Study for PMP Exam and Pass 

http://www.youtube.com/watch?v=tKhba58uufU

لو حاسس إنك إستفدت ، متخلهاش تقف عندك ، إعمل شير فى الخير :) 

طارق حسن 

www.facebook.com/tarekfalcon

تابعونا على 

www.facebook.com/DubaiDays

مدفع الإفطار من أسفل برج خليفة

مدفع الإفطار من أسفل برج خليفة

تابعونا على هذا ما رأيت فى دبى

www.facebook.com/DubaiDays

------------------------------------------

مائدة الرحمن

من كتاب هذا ما رأيت فى دبى

مائدة الرحمن

=========

اول اسبوع فى رمضان كان أسبوع من العذاب فى الشغل ، كانت أيام صعبه جدا ، كنا بنختار بين النوم او الأكل ، الإفطار اللى المفروض يكون الساعة 6 ونص بيكون الساعة 12 بالليل او واحدة ومعظم الوقت بنفضّل النوم ودمج الإفطار مع السحور ، لكن دا مبيحصلش عشان مكناش بنصحى للسحور أصلاً من التعب .

بعد كدا الموضوع بدأ ينتظم شوية وبدأنا نفطر فى الشقة وبعدين نروح لعميل بعد صلاة العشاء ، وكنا عملين بيان خاص بتجهيز الإفطار كالتالى :-

1- ان يقوم المدعو : طارق بتجهيز الإفطار ثلاث ايام فى الاسبوع فى حين أن يكون المدعو هريدى " مأنتخ ونايم "

2- ان يقوم المدعو : هريدى بتجهيز الإفطار ثلاث ايام فى الاسبوع فى حين أن يكون المدعو طارق " مأنتخ ونايم "

3- ان يقوم المدعو : سامح بغسيل الاطباق يوميا قبل وبعد الإفطار لعدم وجود خبرة مسبقه فى تجهيز الإفطار .

اليوم إللى كنت بجهز فيه ، هريدى بينام اول ما يوصل من الشغل لحد الإفطار ، والعكس لو هو إللى بيجهّز ، أنا بنام لحد الإفطار .

فى يوم هريدى قالى ، هو مفيش موائد رحمن هنا زى مصر ، ونريح نفسنا من موضوع تجهيز الإفطار دا ، قلتله ......

لتكمله المقال من هنا || http://on.fb.me/Rzo6jJ

-----------------------------------

كتاب هذا ما رأيت فى دبى ، لكل من يفكر او يرغب فى السفر والعمل بالخارج ، ومعرفة التحديات والصعوبات التى يمكن أن يقابلها وكيفية التغلب عليها وكيفية التاقلم مع الغربة ، باسلوب شيق وغير ممل .

- بعض أراء القراء فى الكتاب || http://bitly.com/SaidDubaiBook

- أماكن تواجد الكتاب فى جميع الدول العربية ||http://on.fb.me/19urMej

- النسخة الإلكترونية من الكتاب ||http://on.fb.me/ZaKekb

-----------------------------------

الآن فى جميع الدول العربية كتاب " هذا ما رأيت فى دبى "

كتاب " هذا ما رأيت فى دبى " تأليف المهندس / طارق حسن عبدالعال 
 لكل شاب يرغب فى السفر والعمل بالخارج والتعرف على الصعوبات التى يمكن أن يقابلها وكيفية التغلب عليها والتأقلم مع الغربة

بعض أراء القراء عن الكتاب || http://bitly.com/SaidDubaiBook

- كيفية الحصول على الكتاب :-
1- عبر الإنترنت والتسوق الإلكترونى ويتم الشحن إلى منزلك
- موقع نفسك.كوم || http://bitly.com/XTdy0f
- موقع نيل وفرات .كوم || http://bitly.com/XpiBqU
- موقع بوكس . كوم . إي جي || http://bitly.com/10jNgGG
- النسخة الإلكترونية من الكتاب || http://on.fb.me/ZaKekb

2- من المكتاب المتوفرة فى معظم الدول العربية
جمهورية مصر العربية
============
- فى جميع فروع مكتبات ألف ، وديوان ، والشروق ، و دار نهضة مصر

فروع مكتبة الشروق :-
---------------------------
القاهرة (وسط البلد): 1 ميدان طلعت حرب | تليفون: 0223912480 - 0223930643
القاهرة (مصر الجديدة): 15 شارع بغداد - الكوربة | تليفون: 0224171945 - 0224171944
القاهرة (مدينة نصر): سيتى ستارز مول - الدور الأول - مدخل 7 | تليفون: 0224802544
القاهرة (الزمالك): 17 شارع حسن صبري
القاهرة (المطار): صالة سفر 2،1 و صالة وصول 2،1
الجيزة: فرست مول – 35 شارع الجيزة | تليفون: 0235735035 - 0235685187
الجيزة (المهندسين): 26 شارع محمد كامل مرسى | تليفون: 0233361707 - 0233361774
طريق القاهرة الإسكندرية الصحراوى: واحة عمر | تليفون: 0101633711
الاسكندرية: سان ستيفانو مول | تليفون: 034690370 - 0101633685

فروع مكتبة ألف || http://bitly.com/16vzfWr :-
---------------------------------
- 132 ش الميرغنى، مصر الجديدة
تليفون: 0224192396 || موبيل: 01000224004
- محطة قطار القاهرة رمسيس ( الصالة الرئيسية)،
تليفون: 0227739174 || موبيل: 01000223003
- 2ش طه حسين، الزمالك
تليفون: 0227365180 || موبيل: 01000227007
- 84 شارع 9، المعادى
تليفون: 0227508661 || موبيل: 01000229996
- سيتي سنتر مكرم عبيد الطابق الثالث
موبيل: 01000250013
- مول العرب - 6 من أكتوبر G#090b ، بجانب البنك التجاري الدولي بوابة 4 و 5
موبيل: 01000229991
-مول العرب - 6 من أكتوبر ، بجوار موباكو، بوابة 20 - كشك ألف
موبيل: 01020054002
- رحاب مول 2 - الرحاب
موبيل: 01000228008
- 30، شارع عبد القادر رجب، رشدى ، الإسكندرية، كفر عبده
بجوار قهوة محمصة رشدى
تليفون: 035448820 || موبيل: 01000229995
- الإسكندرية، العروبة مول، برج العرب ، بجوار بوابة كارفور
موبيل: 01099889227
- شرم الشيخ، الميركاتو مول ، متجر: 9 البناية: B12 المنطقة: B
موبيل: 01060026070
- أسيوط 58 ش الجمهورية، ش الحرية جولة.
موبيل: 01025000494
مارينا (خلال العطلة الصيفية) ، بوابة مارينا: 4
بجانب بيتزا هت وكوستا
أيضا يمكن حجزه من موقع مكتبة أ || http://bitly.com/DubaiAlf

فروع مكتبة ديوان :-
------------------
- مكتبة الإسكندرية : الشاطبى - محل رقم 4
5002664(2018)+
- المعادى : 45, شارع 9
8887326(2019)+
23809350(202)+
- الزمالك : ١٥٩ شارع ٢٦ يوليو
98 /27362582(202)+
- مصر الجديدة، ١٠٥ شارع أبوبكر الصديق
85 /26908184 (202)+
- جامعة القاهرة ، كلية التخطيط العمرانى
- ( بجوار المكتبة المركزية - مدخل دار العلوم )
1506933(2012)+
- قرطاسية: 177 شارع 26 يوليو - الزمالك
8611066(2012)+
- خدمة التوصيل للمنازل:
+(202)26908185
+(2012)0168600

فروع دار نهضة مصر :-
-------------------------
- مركز التوزيع الرئيسى
العنوان:18 شارع كامل صدقى، الفجالة، القاهرة، مصر
تليفون:00202 25909827 || 0020225908895
البريد الإلكترونى:export@nahdetmisr.com
- فرع الإسكندرية
العنوان:408 طريق الحرية - رشدى
تليفون:002035462090
البريد الإلكترونى:alex@nahdetmisr.com
- فرع المنصورة
العنوان:13 شارع المستشفى الدولى التخصصى متفرع من شارع عبد السلام عارف – مدينة السلام
تليفون:0020502221866
البريد الإلكترونى:mansoura@nahdetmisr.com

ويمكن طلبه من خدمة توصيل دار نهضة مصر 16766 وسيتم شحنه إلى منزلك
او إبعت رسالة بإسمك ورقم تليفونك على صفحة دار نهضة مصر
www.facebook.com/nahdetmisrgroup
او إيميل لمدير التسويق م.أحمد يحيى
ahmed.yehia@nahdetmisr.com

أيضا موجود فى :-
- مكتبة ابناء الكيلانى ف شارع الجلاء-المنصورة
- مكتبة فكرة فى سان استيفانو مول - اسكندرية

الإمارات العربية المتحدة
===== == == ==
- الموزع الرئيسى للكتاب فى الإمارات ، الاستاذ نبيل صالح || 00971506415416

- مكتبة كيوكونيا
العنوان : دبى مول - فاشون باركينج P7 - بجوار Virgin Megastore
تليفون : 0097144340111

- مكتبة فيرجين بكامل فروعه || Tel :0097142843110
- مكتبات المجرودى
- مكتبة جاشنمال لبيع الكتب || 065317898 - 043406789 - 026443869
- مكتبة جمعية أبو ظبى
- مكتبة الجامعة (أبو ظبى) || Mobile: 00971506415416
- مكتبة جرير || Tel: 0097126733999
- مكتبة زين المعانى
(مع العلم بأن كثير من هؤلاء الموزعين لديهم فروع منتشرة داخل الامارات)

المملكة العربية السعودية :-
===============
- مكتبات جرير ( بفروعها المختلفة ) || http://bitly.com/XjU18Q
- المكتبة التراثية ، حي صلاح الدين في مدينة الرياض ، شارع الدائري الشرقي
تليفون : 2107000 - 2254900
- المتنبى ، حي البادية في مدينة الدمام
تليفون : 038413000 - 038411395

الاردن
=====
- الاهلية للنشر والتوزيع ، عمان- وسط البلد
Tel : 0096264638688 Mob: 0795533379

الكويت
====
- مكتبات ذات السلاسل ( بفروعها المختلفة ) ||| http://bitly.com/XjW3Wq
-مكتبة العجيري - حولي ، شارع قتيبة
0096522618415 - 0096522613749
- مكتبة افاق : مجمع التلال في الشويخ - طريق الجهراء بجانب سيتي سنتر
Tel:0096522256141

البحرين
======
- المكتبة الوطنية - شارع باب البحرين
||00973245272 ||Tel: 0097317293840

فلسطين
======
- مكتبة السنة

ليبيا
===
- دار الفرجانى و مكتبة اسامة الفرجانى
العنوان : حي الاندلس بالقرب من كافية كركلا
موبايل : 00218912151280
بريد الألكتروني : ufergiani@yahoo.com

المغرب
===
- دار الامان , 4 زنقة المامونية - الرباط - مقابل وزارة العدل
الهاتف : 0021237723276 - المحمول : 0021261202856

لبنان
===
مكتبة : الفرات
العنوان : بيروت - شارع الحمرا الرئيسي - بناية رسامني - الطابق السفلي
هاتف : 009611750054